Kryetari aktual i Istogut dhe njëherit kandidat për kryetar edhe për një mandat tjetër, Ilir Ferati, ka njoftuar se bashkë me kandidatët për asamble, kryetarët e nëndegëve dhe anëtarët e Kryesisë së Degës, kanë zhvilluar takim përgatitor për zgjedhjet e 12 tetorit, shkruan Gazeta Demos.
Përmes një shkrimi në Facebook, Ferati shkruan se programi i tyre për Istogun është i qartë.
“Programi ynë për Istogun është i qartë: zhvillim, punësim dhe qeverisje të ndershme e transparente. Çdo lagje, çdo fshat dhe çdo familje do të jenë pjesë e rrugëtimit tonë”, shkruan ai.
Postimi i tij:
Bashkë me kandidatët tanë për asamble, kryetarët e nëndegëve dhe anëtarët e Kryesisë së Degës, zhvilluam takimin përgatitor për zgjedhjet e 12 tetorit. Ky ishte një takim pune ku u diskutua për organizimin, mobilizimin dhe përcaktimin e përgjegjësive tona në terren.
Programi ynë për Istogun është i qartë: zhvillim, punësim dhe qeverisje të ndershme e transparente. Çdo lagje, çdo fshat dhe çdo familje do të jenë pjesë e rrugëtimit tonë.