Incidenti në Skenderaj, vjen reagimi i radhës nga ish-deputetja

Ish-deputetja Ariana Musliu Shoshi ka reaguar pas incidentit që ndodhi sotr në Skenderaj, shkruan Demos

“Dhuna nuk është dhe nuk duhet të jetë kurrë zgjidhje. Kosova ka nevojë për maturi, respekt dhe përballje demokratike, jo për nxitje të urrejtjes.

Pushteti i Albin Kurtit po e shndërron gjuhën e urrejtjes dhe përçarjes në metodë politike. Sulmet dhe linçimet publike ndaj njerëzve që ishin në themelet e UÇK-së janë të papranueshme dhe të rrezikshme.

Sami Lushtaku nuk ka nevojë për certifikim patriotizmi nga askush. Ai është një nga njerëzit që ka qëndruar në kohët më të vështira për Kosovën, kur shumë të tjerë mungonin.

Respekti për historinë dhe për ata që kanë kontribuar në lirinë e vendit duhet të ruhet, pavarësisht dallimeve politike.

Historia nuk rishkruhet me propagandë e as me etiketime të ulëta”, shkroi Musliu-Shoshi.