Ish-deputeti i partisë GUXO, Nasuf Bejta, ka thënë vetëm tre persona nuk e kanë mbështetur rizgjedhjen e Osmanit sipas tij e para është Osmani e pastaj edhe Faton Peci e Donika Gërvalla-Schwarz.Bejta, i ftuar në “Debat Plus” në Dukagjin, u shpreh se pos këtyre treve pjesa tjetër e strukturave dhe elektoratit kanë qenë pro saj.
“Tre persona sipas mendimit tim janë që nuk e kanë dashur rizgjedhjen e Vjosa Osmanit – e para është vetë Vjosa Osmani, Faton Peci dhe Donika Gërvalla e të tjerët e kanë dashur”, tha ai.Tutje, Bejta ka theksuar se përgjegjësi për mos-rizgjedhjen e Osmanit mban edhe vetë ajo, për shkak të, siç u shpreh, shkëputjes së komunikimit me anëtarësinë.
Ai, mes tjerash, ka akuzuar drejtpërdrejt Gërvallën dhe Pecin për neglizhencë dhe mungesë interesi për forcimin e partisë teksa ka pohuar se brenda partisë ka pasur deklarata përjashtuese ndaj individëve të caktuar, duke e cilësuar këtë si “diktaturë të plotë” në vendimmarrje.
“Për hir të elektoratit të GUXO-s dua të bëjë një sqarim pasi përgjatë këtyre 5 vjetëve ndodh që kam qenë më i linçuari – kronologjikisht “Lista Vjosa” në fillim ka qenë një qenë një frymë shumë e madhe me potencial të hatashëm për formimin e një partie, aktivistë më të devotshëm e 14 persona ishim më listë për deputetë – pastaj u zgjodhëm 8 deputetë dhe prandaj për mos rizgjedhjen mendoj se ka faj vetë Vjosa pasi e ka shkëputur komunikimin me bazën dhe pas një presioni shumë të madh të anëtarësisë më 1 qershor 2021 e dinë që kemi pasur një takim që gjerë e gjatë kemi folur për aspiratat e partisë dhe të kemi kandidatë komunash – fjalët kanë qenë për PO për në realitet doli JO për shkak të neglizhencës së Donika Gërvallës e Faton Pecit dhe kur e pash që mungonte komunikimi mes anëtarësisë e pastaj edhe me elektoratin nga partia e cila ishte në frymë Rugoviane. Që këta të dy nuk janë të interesuar për partinë është kur nuk rikandiduan deputetë sërish, por i përjashtuan. Diktaturë e plotë e tyre pasi u deklaruan se ‘për sa të jenë gjallë ky e ky … nuk do të bëhen kurrë deputetë’ kështu ka thënë Gërvalla e këta ma kanë thënë aktivistë të partisë një javë para se ta di që nuk jam pjesë e listës. Donika Gërvalla më ka thënë se për shkak të fërkimeve dhe se gjithmonë ke qenë i zëshëm kundër nesh nuk mund të jesh pjesë e listës pastaj në zgjedhjet e 9 shkurtit kam garuar në listën e Vetëvendosjes”, u shpreh Bejta.
