Ja rregullat që duhet t’i ndiqni në ditët e nxehta që të mos sëmureni

Temperaturat e larta mund të shkaktojnë dehidratim, lodhje nga nxehtësia dhe, në raste të rënda, goditje nga nxehtësia. Për këtë arsye, në ditët me vapë të madhe rekomandohet të merren disa masa të thjeshta.

Pini ujë rregullisht, pa pritur të ndjeni etje.

Shmangni diellin dhe aktivitetet e lodhshme gjatë orëve më të nxehta.

Qëndroni në hije ose ambiente të freskëta sa më shumë që të jetë e mundur.

Përdorni krem mbrojtës ndaj diellit, si dhe kapelë e syze me mbrojtje UV.

Vishni rroba të lehta, të lirshme dhe me ngjyra të çelëta.

Dhimbja e kokës, marramendja, dobësia, të përzierat dhe konfuzioni mund të jenë shenja të problemeve nga nxehtësia. Në këto raste, personi duhet të largohet menjëherë nga dielli dhe të freskohet.