“Ju vjedhni like”, “Ju ka shti Vetëvendosja”, Paris Guri del e debaton me PSD , i akuzon për vjedhje e ndikim nga partia e Kurtit

Paris Guri nga LDK është përplasur verbalisht me anëtarët e Partisë Socialdemokrate gjatë një aksionit sot të zhvilluar para zyret e Lidhjes Demokratike e Partisë Demokratike.

Guri i ka kërkuar Dardan Molliqajt të merret me pushtetin, duke e pyetur se për çfarë arsye po merret me partitë opozitare.

“Shkoni para zyreve të Lëvizjes Vetëvendosje, bëni aksion para pushtetit. Ata janë e kqeja”, i tha ai, teksa Mulliqaj i sugjeroi ta lexonte zotimin e tyre dhe mos ta prishte aksionin simbolik.

Teksa vazhdonte debati mes dyshes, ndërhyu edhe Natyra Kuçi.

“Dilni në debat, po hajde ec, vjedhe naj like. Hajt qat’ punë e ki, me vjedhë like”, dëgjohet teksa i thotë Kuçi.

“Ju jeni kanë me ta [Vetëvendosjen], ju i keni pru qëtu ku janë. Ju vjedhni like, edhe jeni t’u u marr se është t’u iu shti Vetëvendosja me u marr me qët’ punë”, ia kthen Guri.