Kadrijaj tregon se a do të marr pjesë AAK në seancën e orës 11:00 nesër

AAK nuk do të merr pjesë në seancën e parë të jashtëzakonshme të thirrur nga Dimal Basha i Vetëvendosjes.

Kjo u konfirmua për “DEMOS” nga deputetja e kësaj partie Time Kadrijaj

Në ora 11:00 Dimal Basha ka ftuar seancë të jashtëzakonshme për komisione parlamentare, buxhet dhe marrëveshje ndërkombëtare dhe krejt pastaj në ora 14:00 për zgjedhje të qeverisë, me mandatar Glauk Konjufcën.

“DEMOS” ka marr vesh nga burimet e saja brenda PDK-së se kjo parti nuk do marr pjesë në seancën e orës 11:00

Lidhja Demokratike e Kosovës po ashtu ka njoftuar se nuk marrin pjesë në këtë seancë.

Albert Krasniqi nga Demokracia Plus këtë “manovër” të Vetëvendosjes e ka quajtur të paligjshme dhe kundër rendit kushtetues të shtetit.