Ushtarët e caktuar në Komandën Rajonale-Perëndim të KFOR-it kryen një stërvitje me helikopterë në kampin “Villaggio Italia”, në Pejë.
Stërvitja synonte rritjen e gatishmërisë operacionale dhe forcimin e koordinimit midis ekuipazheve ajrore dhe personelit tokësor
“Përmes aktiviteteve të përqendruara në transportin e personelit, evakuimin e viktimave dhe operacionet e reagimit ndaj emergjencave, personeli i KFOR-it mban një nivel të lartë gatishmërie dhe ndërgjegjësimi për situatën, duke reflektuar angazhimin e qëndrueshëm të KFOR-it për të siguruar një mjedis të sigurt për të gjithë njerëzit që jetojnë në Kosovë” thuhet në njoftimin e KFOR-it.
KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme.
