Komuna e Prishtinës merr masa për rregullimin e parkingjeve, disa nuk do të lejohen të operojnë

Komuna e Prishtinës ka ndërmarrë masa për rregullimin e parkingjeve në kryeqytet, për shkak të numrit të madh të tyre pa leje – veçanërisht ato me qasje direkte në rrugë kryesore, udhëkryqe apo zona të gjelbra .

Në njoftimin e Komunës thuhet se çparking privat duhet të aplikojë për leje të përkohshme deri në miratimin e Planit të ri të Mobilitetit, i cili do të përcaktojë standardet dhe lokacionet e lejueshme për parkim.

“Nuk do të lejohen – të operojnë parkingjet që: • Kanë qasje direkte në rrugë kryesore apo udhëkryqe – që pengon qarkullimin! Janë të vendosura në hapësira të gjelbra dhe hapësira publike!”, thuhet në njoftim.

Sipas Komunës, qëllimi është më shumë rend, siguri dhe mbrojtje të hapësirave publike e mjedisit.

“Ftojmë të gjithë operatorët të bashkëpunojnë që të aplikojnë për leje dhe të ndjekin procedurat në fuqi”, thuhet në njoftim.