Qeveria ka mbajtur një mbledhje elektronike ku ka miratuar kërkesën e Kuvendit, për Nismën legjislative për “Projektligji për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar” për të dhënë vlerësimin që përfshin: opinionin ligjor të përputhshmërisë me acquis të BE-së; vlerësimin e ndikimit buxhetor; dhe, opinionin ligjor lidhur me përmbajtjen e projektligjit në fjalë.
Kështu ka bërë të ditur vetë qeveria përmes një njoftimi.
Postimi:
Mbledhja e katërt e Qeverisë së Republikës së Kosovës
Prishtinë, 2 tetor 2026
Qeveria e Republikës së Kosovës ka zhvilluar mbledhje elektronike, në të cilën ka:
Miratuar vendimin me të cilin i përgjigjet kërkesës së Kuvendit të Republikës së Kosovës me nr. Prot.1108 të datës 23.09.2026, për Nismën legjislative për “Projektligjin Nr. 11/L- 001 për ndryshimin dhe plotësimin e Ligjit Nr. 05/L-053 për Dhomat e Specializuara dhe Zyrën e Prokurorit të Specializuar”, për të dhënë vlerësimin që përfshin: opinionin ligjor të përputhshmërisë me acquis të BE-së; vlerësimin e ndikimit buxhetor; dhe, opinionin ligjor lidhur me përmbajtjen e projektligjit në fjalë.
