Kryeministri në detyrë i Republikës së Kosovës, Albin Kurti, ka folur sot para deputetëve në seancën e jashtëzakonshme të Kuvendit për formimin e Qeverisë, shkruan Gazeta Demos.
Kurti thotë asnjë nga partitë politike nuk pranoi ofertën e LVV-së, kështu duke theksuar se mosvotimi i Qeverisë, nënkupton zgjatje të mandatit të qeverisë në detyrë.
Ai shtoi se nëse do pranonin bashkëpunim, sot do të kishin mundësi të kishte qeveri të re të koalicionit si dhe do të kalohej sfida e zgjedhjes së presidentit.
“Sot mbi 6 muaj që prej thirrjes se seancës konstituive me 15 prill, më në fund kemi Kuvend të konsistuar dhe kemi arritur në pikën e formimit të Qeverisë. Kjo është një vonesë e parpecendentë në historinë e Republikës, ku 5 nga këta 6 muaj deputet ishin duke e pritur Gjykatën Kushtetuese, kjo vonesë ka ndikuar në mbarëvajtjen e punëve shtetërore, janë vonuar marrëveshjet ndërkombëtare, plani i rritjes me Bashkimin evropian, procesin e reformave dhe është lënduar besueshmëria e shtetit tonë para partnerëve tanë ndërkombëtar”, tha Kurti.
Ai tha se ka liberalizuar vizat në zonën Shengen, duke thënë se pasaporta jonë është më e fortë se e tyre.
