Kryeministri në detyrë, Albin Kurti, ka përgëzuar Orkestrën e Fëmijëve dhe të Rinjve “Amadeus” nga Prishtina për suksesin e arritur në festivalin ndërkombëtar “Musica Orbis”, të mbajtur në Pragë të Çekisë. Orkestra u kthye në Kosovë me katër çmime të rëndësishme, duke fituar medaljen e artë, dy çmime speciale individuale dhe çmimin e publikut.
Ky sukses vjen pas paraqitjeve të suksesshme të ansamblit edhe në Austri dhe Spanjë.
Kurti theksoi se këto rezultate dëshmojnë se talenti, kur shoqërohet me punë dhe përkushtim, sjell suksese të vazhdueshme.
