Kusari: Nuk çuditem nëse RTK-së i ndodh rasti i transmetuesit publik të Greqisë

Juristja e medias Flutura Kusari ka thënë se nuk është çudi që Radio Televizioni i Kosovës të mbyllet përkohësisht si pasojë e krizës së pagave.

Në një shkrim në rrjetin social Facebook të hënën, ajo ka thënë se përgjegjëse për këtë krizë në transmetuesin publik janë pagat.

Punonjësit e RTK-së kanë paralajmëruar grevë të përgjithshme duke filluar nga e hëna e 24 nëntorit.

Sipas Kusarit, Radio Televizioni i Kosovës mund të mbyllet për shkak të situatës së rënduar financiare.

“Unë nuk çuditem nëse RTK mbyllet siç pati ndodhë përkohësisht me transmetuesin publik në Greqi. Nëse ndodhë, ky do te ishte turpi ma i madh në historinë e Kosovës”, ka thënë ajo.

“Per gjendjen e mjerë në RTK përgjegjëse është Lëvizja Vetëvendosje!”, ka vijuar Kusari.