Është miratuar në Kuvendin e Shqipërisë rregullorja e re, me 100 vota pro, pas një konsensusi mes Partisë Socialiste dhe Partisë Demokratike.
Sipas ndryshimeve të reja, drejtuesi i SPAK nuk do të raportojë më në seancë plenare, por vetëm në Komisionin e Ligjeve dhe në Komisionin e Mbikëqyrjes Institucionale.
Po ashtu, Sekretariati i Etikës do të përbëhet nga një sekretar dhe pesë anëtarë, me përfaqësim të barabartë mes PS dhe PD. Në rast barazimi të votave, vendimmarrja do të përcaktohet nga vota e sekretarit, i cili do të jetë nga radhët e PS.
Ndërkohë, institucionet do të raportojnë pranë komisioneve përkatëse, ndërsa Komisioni Xhafaj do të ketë rol në miratimin e rezolutave që lidhen me to.
