Kuvendi i Kosovës do të mbajë seancë të enjten, nga ora 10:00, ku ndër të tjera do të formohet komisioni për përzgjedhjen e kandidatëve për Bordin e RTK-së, ka njoftuar kryetarja Albulena Haxhiu.
Në rend dite do të jenë edhe deklarimet jashtë rendit të ditës dhe pyetjet parlamentare drejtuar kabinetit qeveritar.
Haxhiu bëri të ditur se nënkryetarja Vlora Çitaku është caktuar anëtare e grupit punues për harmonizimin e strategjisë shtetërore lidhur me procedurat para Dhomave të Specializuara në Hagë.
Po ashtu, Kryesia diskutoi për formimin e delegacioneve parlamentare, pasi në fund të muajit Kosovën do ta vizitojë një delegacion i madh i Asamblesë Parlamentare të NATO-s.
