Leutrim Veseli, është 36 vjeçari i cili vdiq dje në Godanc të Epërm të Shtimës.
Sipas policisë, ai ishte rrëzuar në tokë dhe kishte nevojë për ndihmë mjekësore.
Sot Komuna e Shtimës i ka shprehur ngushëllime familjes së të ndjerit.
Në telegramin e ngushëllimit, shkruan se humbja e tij e hershme ka prekur rëndë jo vetëm familjen dhe miqtë, por edhe gjithë qytetarë tanë.
“Largimi i hershëm i Leutrimit na ka pikëlluar thellë të gjithëve. Në këto momente të rënda për familjen, shpreh ngushëllimet më të sinqerta dhe solidaritetin tim të plotë.
Kujtimi për të do të mbetet gjithmonë i gjallë ndër ne, ndërsa dhimbja për humbjen e tij do të jetë e përbashkët. U prehtë në paqe.
Në këto çaste të vështira, qëndrojmë pranë familjes Veseli, duke ndarë dhembjen dhe duke lutur që të gjejnë forcë për ta përballuar këtë humbje të rëndë”, mbyllet telegrami i ngushëllimit.
