Ky është i mituri që humbi jetën pasi u gjet i plagosur në Rahovec

Blenis Gashi është i mituri që humbi jetën tragjikisht në Fortesë të Rahovecit mbrëmjen e së dielës.

Familjarët e të ndjerit kanë bërë të ditur se ai do të varroset sot në ora 17:00, në varrezat e fshatit.

Ngushëllime për të ndjerin ka shprehur edhe shkolla “Liria”, ku Blenisi ishte nxënës.

Sipas policisë, i mituri u gjet i shtrirë në vendbanimin e tij, me plagë që dyshohet se ishin shkaktuar nga arma e zjarrit.

Ai ishte dërguar për trajtim mjekësor, ku dhe mjekët kishin konstatuar vdekjen e tij.