Ky është personi që vdiq tragjikisht në Lipjan, djali: Ah bre babë, ma djege shpirtin

72-vjeçar nga Gracka e Vogël e Lipjanit, Fehmi Sopa, humbi jetën në aksidentin e rëndë të trafikut që ndodhi në rrugën Shtime–Lipjan.

Pas ngjarjes tragjike, ka reaguar djali i tij.

“Ah bre babë, ma djege shpirtin… Sot pas një aksidenti trafiku ka ndërruar jetë baba jonë, Fehmi (Hasan) Sopa. Për detajet e ceremonisë së varrimit ju njoftojmë me kohë”, ka shkruar ai.

Aksidenti ndodhi rreth orës 10:00 në fshatin Grackë e Vogël, ku u përplasën një Volkswagen Golf, të cilin po e drejtonte Sopa, dhe një Volkswagen Passat me targa gjermane.

Si pasojë e aksidentit, Sopa humbi jetën, ndërsa A. Sopa, 41 vjeçare, e cila ndodhej si bashkudhëtare në Golf, pësoi lëndime të rënda.

I lënduar mbeti edhe drejtuesi i Passat-it, A. Ruhani, 39 vjeçar.

Në vendin e ngjarjes ka dalë edhe Prokurori i Shtetit, ndërsa Njësia e Hetimeve të Trafikut është autorizuar të hetojë rrethanat e aksidentit.

Trupi i pajetë i viktimës është dërguar në Institutin e Mjekësisë Ligjore për obduksion.