LAJMI I FUNDIT: Zhduket 17-vjeçari në Mitrovicë, familjarët kërkojnë ndihmë për gjetjen e Muhamed Balës

Familjarët kanë kërkuar ndihmën e qytetarëve për gjetjen e një të riu të zhdukur në Mitrovicë.

Bëhet fjalë për 17-vjeçarin Muhamed Bala, i cili është parë për herë të fundit më 25 prill 2026, rreth orës 13:45, pranë Xhamisë Isa Beg në Mitrovicë.

Sipas përshkrimit, ai është rreth 1.80 metra i gjatë, me flokë ngjyrë kafe të mbylltë dhe sy të kaltër. Në momentin e fundit kur është parë, ka qenë i veshur me duks të zi me patent, maicë të gjelbër, trenerka të poshtme ngjyrë të zezë të përzier me hiri dhe atlete të zeza të markës Puma.

Familjarët apelojnë që kushdo që ka ndonjë informacion, sado të vogël, të kontaktojë në numrat: 044 288 211, 045 985 859, ose 049 203 741, apo të njoftojë policinë më të afërt.