Lidhja Demokratike e Kosovës, Dega në Vushtrri, ka dalë me një deklaratë publike ku thekson përkushtimin e saj për të sjellë ndryshim në qeverisjen lokale, gjithmonë në interes të qytetarëve të Vushtrrisë.
Në një postim zyrtar në Facebook, LDK Vushtrri thekson se vendimet e rëndësishme nuk janë të lehta, por ato udhëhiqen nga nevoja për të vënë interesin publik mbi interesat individuale apo partiake.
“💙 Qyteti ynë ka nevojë për ndryshim! Vendimet e mëdha nuk janë asnjëherë të lehta, por pavarësisht kostove individuale, për ne një gjë është e qartë – interesi i qytetarëve dhe i Vushtrrisë është mbi gjithçka. Marrëveshja jonë nuk afekton asnjë garë tjetër përveç Vushtrrisë,” thuhet në njoftimin e LDK-së, Dega në Vushtrri.