Pal Lekaj, nga Aleanca për Ardhmërinë e Kosovës, thotë se me këtë mentalitet përjashtues të pushtetit, vendi po shtyhet me vetëdije drejt zgjedhjeve,
Lekaj thekson se kjo nuk është një paaftësi e rastësishme por është një strategji për të shmangur përgjegjësinë.
“Me këtë mentalitet përjashtues të pushtetit, vendi po shtyhet me vetëdije drejt zgjedhjeve. Kjo nuk është paaftësi e rastësishme, është strategji për të shmangur përgjegjësinë. Kur nuk arrin të ndërtosh konsensus për Presidentin, tregon se ke dështuar në themel si mazhorancë, tha ai.Ndër të tjera, ai shton se në rast se vendi shkon në zgjedhje, faji i gjithi i takon Albin Kurtit, sepse sipas tij, Kurti po e përdor shtetin si mjet për kalkulime politike.
Lekaj thekson se kjo krizë politike nuk ëshët aksident por është produkt i një mazhorance që nuk di të bashkëpunoj.“Faji ka emër dhe mbiemër: Albin Kurti. Ai po e përdor shtetin si mjet për kalkulime politike. Në vend që të bashkojë spektrin politik, po e përçan për interesa të veta. Kjo krizë nuk është aksident është produkt i një mazhorance që nuk di të bashkëpunojë. Albin Kurti nuk po kërkon zgjidhje, por alibi për dështimet e veta”, përfundoi Lekaj për GazetaBlic.
