Njëri nga të plagosurit të dielën në Gjilan në rastin ku tre persona u vranë , është liruar nga Spitali i Gjilanit për trajtim në shtëpi.
Abdyl Latifi -shef i repartit të Ortopedisë në Spitalin e Gjilanit ka thënë se ai nuk ka pas lëndime të rënda trupore dhe pas ekzaminimeve është marrë vendim për lirim.
Vizitë që i kemi bërë sot, pacienti ka qenë në gjendje stabile. Pas ekzaminimeve që i kemi bërë në spitalin tonë, kemi vërejt se nuk kemi të bëjmë me lëndime të rënda trupor, kanë qenë sipërfaqësore dhe kështu që kemi marrë vendim që pacientin me liru për trajtim shtëpiak”, ka thënë Latifi për media.
Ai ka thënë se ky person nuk kishte lëndime nga arma e zjarrit.