Presidenti francez Emmanuel Macron dhe gruaja e tij Brigitte ngritën një padi për shpifje në SHBA të mërkurën kundër influenceres dhe podkasteres Candace Owens, e cila kishte pretenduar se zonja e parë e Francës është mashkull.
Familja Macron tha në një padi të ngritur në Gjykatën e Lartë të Delaware se Owens ka zhvilluar një “fushatë poshtërimi global” të mbushur me gënjeshtra për të promovuar podcast-in e saj dhe për të fituar më shumë fansa, shkruan Reuters.
Familja Macron tha se gënjeshtrat përfshinin edhe faktin se Brigitte Macron, 72 vjeç, lindi me emrin Jean-Michel Trogneux, emri i vërtetë i vëllait të saj më të madh.