Mbyllet përkohësisht një rrugë në Obiliq, shkak punimet hekurudhore

Komuna e Obiliqit ka njoftuar qytetarët për mbyllje të përkohshme të rrugës “Hashim Shalaku” në fshatin Dardhishtë, për shkak të punimeve në kuadër të projektit për ndërtimin e Linjës Ndërkombëtare Hekurudhore.

Sipas njoftimit zyrtar, rruga do të mbyllet të dielën, më 31 maj 2026, dhe mbyllja do të zgjasë gjatë tërë ditës.

Gjatë kësaj kohe, qarkullimi do të devijohet në rrugë alternative, të paraqitur në hartën e bashkëngjitur nga autoritetet komunale.

Komuna e Obiliqit u ka bërë thirrje qytetarëve për mirëkuptim dhe bashkëpunim gjatë kohës së punimeve.