Policia e Klinës u aktivizua të dielën pasdite për një rast të rëndë.
Në fshatin Potërq ishin njoftuar për një zjarr. Sipas informacioneve, një person i kishte vënë flakën krevatit të motrës së tij. Më pas, kishte sulmuar me mjet të fortë edhe të ëmën.
Për rastin janë ndërmarrë veprime nga institucionet përgjegjëse menjëherë.
Ndërkohë, prokurori i rastit ka kërkuar sot paraburgim ndaj të dyshuarit që kreu veprën penale, i cili dyshohet se ka probleme me shëndetin mendor, teksa policia po merret ende me hetimin e rrethanave, në mënyrë që rasti të zbardhet në plotni.