Publicisti, Kim Mehmeti ka thënë nuk sheh arsye që Kosova të shkojë në zgjedhje për çështjen e presidentit.Ai ka thënë se një proces zgjedhor do të ishte i dëmshëm për Kosovën.
Por, ai ka kritikuar qasjen e partive opozitare, sidomos të PDK-së, që nuk po tregon se kush është kandidati i tyre për president.
“Këto parti opozitare me asgjë nuk japin sinjal që janë kundër shkuarjes në zgjedhje. PDK-ja thotë, na jep ti, dy kandidatë edhe tërhiqu, por nuk tregojnë cili. Çfarë e pengon PDK-në të tregojë se cilët janë ata kandidat për president, çfarë fsheh ai prej shqiptarëve të Kosovës”, ka thënë Mehmeti në “Këndin e Kimit” në Tëvë1.
Ai ka thënë se LDK është treguar më e sinqertë në këtë proces.Mehmeti ka thënë se ka pritur që Vjosa Osmani të jetë kandidate për presidente.
