Në seancën konstituive të 6 gushtit përveç verifikimit të mandateve dhe betimit të deputetëve pritet të zgjidhet kryetari dhe pesë nënkryetarët e Kuvendit të Kosovë.
Procedurat e seancës konstituive për Radio Dukagjini i ka treguar hulumtuesi i Institutit të Kosovës për Drejtësi, Melos Kolshi.
“Pas betimit të deputetëve seanca konstituive vazhdon me zgjedhjen e kryetarit të Kuvendit, procesi i zgjedhjes së kryetarit zhvillohet me propozim nga grupi më i madh parlamentar dhe mandej votohet nga deputetët e Kuvendit. Rendi i ditës së seancës konstituive të legjislaturës përmban formimin e komisionit të përkohshëm për verifikim të mandateve, betimi i deputetëve, zgjedhjen e kryetarëve të Kuvendit dhe nënkryetarëve”, tha ai.
Afati kushtetues për konstituimin e Kuvendit është 7 gushti.
