Ministri i punëve të jashtme i Greqisë, George Gerapetritis, do të vizitojë shtetet e Ballkanit Perëndimor.
Mes tyre, në plan të vizitës së tij është edhe Kosova.
Në ndërkohë, ministri grek i jashtëm thuhet se po përgatitet për të ndërmarrë iniciativa në lidhje me Ballkanin Perëndimor para presidencës së Greqisë të Këshillit të BE-së në pjesën e dytë të vitit 2027.
Kjo u bë e ditur nga media e njohur greke “ekathimerini”, e cila raportoi po ashtu se zyrtarët grekë dhe turq janë në kontakt për të finalizuar datat për sesionin e radhës të Këshillit të Nivelit të Lartë për Bashkëpunim Greqi-Turqi, i cili, sipas burimeve diplomatike të këtij mediumi, do të ndodhin padyshim në çerekun e parë të vitit 2026.
Sipas po të njëjtave burime, edhe Dialogu Strategjik Greqi-ShBA pritet të mbahet në çerekun e parë të vitit të ardhshëm në Athinë, ku pritet të marrë pjesë edhe Sekretari Amerikan i Shtetit, Marco Rubio.
Këshilli i Nivelit të Lartë për Bashkëpunim Greqi-Turqi, i themeluar më 2010 për të promovuar dialogun dhe bashkëpunimin e strukturuar bilateral, është takuar me ndërprerje viteve të fundit, me sesionin e fundit të mbajtur dhjetorin e vitit 2023.
