Muriqi: Me ardhjen e Bedri Hamzës në krye të Qeverisë, Rugovën do ta kthejmë në prioritet shtetëror

Kandidati i PDK-së për deputet, Sylë Muriqi, ka vizituar fshatin Kuqishtë, ku ka theksuar domosdoshmërinë e rivitalizimit të rrugës që lidh Pejën me Plavën dhe Gucinë, e cila, sipas tij, është e mbyllur që 25 vjet, përkatësisht nga viti 1998.

Muriqi ka deklaruar se funksionalizimi i kësaj rruge do të ndikonte drejtpërdrejt në zhvillimin ekonomik dhe turizmin, si dhe në forcimin e lidhjeve familjare ndërmjet të dy anëve të kufirit.

Ai ka theksuar se rruga e Grykës së Rugovës, e kategorizuar si M9, është arterie kyçe për turizmin malor dhe ka rëndësi të veçantë strategjike për Kosovën.

“Këtu jemi në fshatin Kuqishtë. Kjo rrugë, e cila lidh Pejën me Plavën dhe Gucinë, është e mbyllur që 25 vite, gjegjësisht prej vitit 1998.

Rivitalizimi i kësaj rruge do të ndikojë në zhvillimin ekonomik dhe në turizëm, si dhe do të forcojë lidhjet familjare andej e këndej kufirit.

Rruga e Grykës së Rugovës, e kategorizuar si M9, është arterie kyçe për turizmin malor në këtë trevë, për zhvillimin ekonomik të Pejës dhe ka një rëndësi strategjike për Kosovën. Me ardhjen e Bedri Hamzës në krye të Qeverisë, angazhimi ynë do të jetë i qartë që Rugovën ta kthejmë në prioritet shtetëror.”, deklaroi Muriqi.

Deklarata e plotë: