Në Drenas filloi “Ora e Pritjes”, ora e lirisë për çlirimtarët

Me rastin e fillimit të numërimit mbrapa të “Orës së Pritjes”, në Sheshin “Fehmi e Xhevë Lladrovci”, kryetari i komunës së Drenasit, Ramiz Lladrovci ka theksuar se “Ora e lirisë” për çlirimtarët, është peshë e pamatshme mbi shpirtin atdhetar.

Deklarata e Lladrovcit në rrjetin social:

Në ora 20:00, në Sheshin “Fehmi dhe Xhevë Lladrovci”, filloi “Ora e Pritjes”, ora e lirisë për çlirimtarët.

Krah shtatores së Fehës dhe Xhevës, “Ora e Pritjes” do të shënoj rrjedhën mbrapa të sekondave, minutave, orëve dhe ditëve, deri te vendimi lirues për heronjtë tanë të luftës dhe paqes, Hashimin, Kadriun, Jakupin dhe Rexhën.

Ora e lirisë për çlirimtarët, është peshë e pamatshme mbi shpirtin atdhetar, peshë mbi mendjen e kontribuesve të çlirimit të Kosovës, është pritje për drejtësi.

Heronjtë tanë të luftës dhe paqes, e kurorëzuan përpjekjen tonë shekullore për liri, bashkë me NATO- dhe Amerikën, andaj, sot e përgjithmonë, historia nuk rishkruhet.

Liri për çlirimtarët!