Nën ndikim të alkoolit, një person dëmton dyert dhe reflektorët e një kishe në Prizren

Policia ka identifikuar dhe intervistuar një person të dyshuar për dëmtimin e pasurisë së një kishe në rrugën “Marin Barleti” në Prizren.

Sipas raportit policor, i dyshuari, mashkull kosovar, dyshohet se nën ndikimin e alkoolit kishte dëmtuar dy dyer dhe reflektorët e kishës.

Pas intervistimit, me urdhër të prokurorit kujdestar, i dyshuari është liruar dhe rasti do të vazhdojë të trajtohet në procedurë të rregullt.

Rasti ishte raportuar më 19 gusht, ndërsa identifikimi dhe intervistimi i të dyshuarit është bërë më 21 gusht 2026.