Partia Demokratike e Kosovës (PDK) pritet të del me një emër konsensual për kryetar të Komunës së Drenasit.
Pas shumë debateve dhe ambicieve nga disa figura të njohur lokale nga kjo komunë, duket se emri i nënkryetrit të Drenasit, Arben Shala, do të jetë kompromisi i të gjitha fraksioneve dhe po merr mbështetjen edhe nga kryesia qendrore e partisë.
Nënkryetarin aktual të Drenasit e ka mbështetur publikisht tërthorazi edhe kryetari aktual Ramiz Lladrovci i cili në paraqitjen e fundit televizive ka thënë se do ta mbështeste dhe do të tërhiqej nga gara për mandatin e tretë nëse PDK-ja e zyrtarizon kandidaturen e Arben Shalës.
Burime brenda Kryesisë së PDK-së kanë bërë të ditur se nënkryetari aktual i Komunës, Arben Shala mund të votohet nga Kryesia e kësaj partie në fillim të javës së ardhshme dhe me këtë kandidaturë do të unifikohen dhe pajtohen edhe kandidatët tjerë që kanë pretendime për të parin e Drenasit. / Ballkani info/
