“Nga sot e tutje, ASNJË TOLERIM!” – Kushtrim Shkodra i raporton në Polici ata që fyen UÇK-në dhe krerët e saj

Kushtrim Shkodra ka bërë të ditur se ka raportuar në Policinë e Kosovës disa persona, të cilët, sipas tij, në një lokal në Prishtinë kanë fyer dhe denigruar UÇK-në, ushtarët e saj dhe udhëheqësit e luftës për liri.

Shkodres thotë se ky nuk do të jetë rasti i fundit që ai do ta raportojë. Ai paralajmëron se çdo rast që, sipas tij, kalon kufijtë e ligjit do ta dokumentojë dhe do ta përcjellë te institucionet kompetente, qoftë në rrjete sociale, lokale, rrugë apo hapësira të tjera publike.

“UÇK-ja është gjaku i dëshmorëve, sakrifica e mijëra luftëtarëve dhe përpjekja e një populli për liri”, shprehet Shkodres, duke theksuar se udhëheqësit e luftës i konsideron pjesë të historisë së lirisë, pavarësisë dhe shtetndërtimit të Kosovës.

Ai thekson se liria e shprehjes duhet respektuar, por shton se, kur veprimet ose deklaratat kalojnë kufijtë e ligjit, nuk do të qëndrojë i heshtur.

Në fund, Shkodres u bën thirrje qytetarëve që rastet që konsiderojnë shkelje të ligjit t’i dokumentojnë dhe raportojnë te institucionet kompetente, duke kërkuar trajtimin e tyre përmes ligjit.