Deputetët e PDK-së dhe Aleancës mbetën te dera e sallës plenare, pasi hyrja ishte e mbyllur, teksa kishin shkuar për të kërkuar vazhdimin e seancës konstituive.
Ata e kanë kundërshtuar mbylljen e sallës, duke kërkuar që Kuvendi të vazhdojë punën pas përmbushjes së afatit prej 48 orësh.
Ndërkohë, ushtruesja e detyrës së presidentes, Albulena Haxhiu, i ka ftuar liderët e partive në takim për të martën, por ftesa është refuzuar nga PDK-ja dhe Aleanca.
Deputetët e këtyre dy partive kanë thënë se fillimisht duhet të përfundojë konstituimi i Kuvendit, ndërsa më pas mund të diskutohet edhe për presidentin.
Ata kanë paralajmëruar protesta dhe aktivitete të tjera kundërshtuese nëse nuk thirret vazhdimi i seancës.
