Nis protesta e 22-të në Tiranë, qytetarët mblidhen para Kryeministrisë

Ashtu siç ishte paralajmëruar, në Tiranë ka nisur protesta e 22-të qytetare kundër qeverisë së kryeministrit Edi Rama .

Qindra qytetarë të mbledhur fillimisht në Sheshin “Skënderbej” kanë nisur marshimin e tyre drejt bulevardit kryesor për t’u ndalur përpara godinës së Kryeministrisë.

Qytetarët kanë marshuar përgjatë rrugës, ndërsa në anën tjetër shihet grumbullimi i tyre me flamuj kombëtarë para Kryeministrisë.

Numri i pjesëmarrësve vjen në rritje nga çasti në çast me ardhjen e qytetarëve nga rrethet dhe diaspora, shkruan Lapsi.al.