Emilija Redzepi do të jetë nënkryetare e legjislaturës së IX-të të Kuvendit të Republikës së Kosovës.
Deputetja nga radhët e Partisë së Re Demokratike ka falënderuar të gjithë ata që e votuan, i besuan dhe mbështeten.
“Një falënderim të veçantë i detyrohem Fikrim Damkës dhe Fidan Brina Jiltit nga komuniteti turk, Rasim Demirit nga komuniteti boshnjak, Elbert Krasniqit nga komuniteti egjiptian, Albert Kinollit nga komuniteti rom, Nenad Rašiqit nga komuniteti serb, Artan Aslanit nga komuniteti ashkali, si dhe Veton Berishit nga komuniteti egjiptian” shkroi Redzepi.
Ajo falënderoi 48 deputetët e LVV-së dhe 13 të LDK-së që e votuan, si deh ata të PDK-së, AAK-së, e Listës Serbe, që nuk e votuan.
Redzepi falënderoi edhe Duda Baljen dhe Adem Hodzën, për mos-votë.
“Zëri ose qëndrimi juaj sot tregon se procesi demokratik është i gjallë, dhe detyra ime është të jem zëri i të gjithë qytetarëve” u shpreh ajo./Periskopi/
Postimi i plotë:
Të nderuar qytetarë,
Sot deputetët e Kuvendit të Republikës së Kosovës votuan kryetarin e parlamentit, z. Dimal Basha, dhe unë u zgjodha Nënkryetare e Kuvendit të Republikës së Kosovës nga radhët e komuniteteve jo-shumicë, përveç atij serb.
Faleminderit të gjithë kolegëve deputetë të grupit multietnik për besimin dhe mbështetjen e dhënë për zgjedhjen time.
Një falënderim të veçantë i detyrohem Fikrim Damkës dhe Fidan Brina Jiltit nga komuniteti turk, Rasim Demirit nga komuniteti boshnjak, Elbert Krasniqit nga komuniteti egjiptian, Albert Kinollit nga komuniteti rom, Nenad Rašiqit nga komuniteti serb, Artan Aslanit nga komuniteti ashkali, si dhe Veton Berishit nga komuniteti egjiptian.
Gjithashtu, faleminderit edhe deputetëve të Lëvizjes Vetëvendosje (48 deputetë) dhe LDK-së (13 deputetë), si dhe atyre që nuk më votuan – deputetëve të PDK-së, Listës Serbe, AAK-së, Dudi Baljes dhe Adem Hodzhës.
Zëri ose qëndrimi juaj sot tregon se procesi demokratik është i gjallë, dhe detyra ime është të jem zëri i të gjithë qytetarëve.
Emilija Redžepi
Nënkryetare e Kuvendit të Republikës së Kosovës
