Osmani takohet me kryeparlamentarin japonez: Riafirmuar përkushtimin për thellim të partneritetit

Presidentja Vjosa Osmani gjatë qëndrimit të saj në Japoni u takua me kryeparlamentarin e vendit, Fukushiro Nukaga.

Sipas një njoftimi nga ana e presidentes, ata riafirmuam përkushtimin e palëkundur për thellimin e partneritetit ndërmjet Kosovës dhe Japonisë.

“Gjatë takimit me Kryetarin e Parlamentit të Japonisë, z. Fukushiro Nukaga, riafirmuam përkushtimin tonë të palëkundur për thellimin e partneritetit ndërmjet Kosovës dhe Japonisë, në dobi të qytetarëve tanë dhe në shërbim të vlerave të përbashkëta”, ka shkruar Osmani në Facebook.

Tutje, e para e vendit tha se mbështetja e Japonisë për popullin e Kosovës ka qenë thelbësore gjatë të gjitha fazave të shtetndërtimit.

“Synojmë që këtë partneritet ta ngremë në nivele edhe më të larta”, shtoi tutje ajo.