Ministri i Financave, Hekuran Murati, ka sqaruar se nuk ka pengesa për ekzekutimin e pagës së 13’të për sektorin publik, edhe pas shpërndarjes së Kuvendit.
Murati tha se Ligji për Buxhetin tashmë është në fuqi dhe se pritet që paga e 13’të të ekzekutohet bashkë me pagën e muajit mars, shkruan Reporteri.net.
“Tashmë e kemi Ligjin në fuqi, dhe nuk ka pengesa sa i përket ekzekutimit të pagës së 13’të, e cila besoj me përgatitjet teknike do të arrihet të ekzekutohet me pagën e muajit mars”, ka deklaruar Murati në T7.