Një rast i sulmit nga qentë endacakë, është raportuar sot në lagjen Kodra e Trimave.
Një banor i kësaj zone ka bërë të ditur për Klanin, se një familjare e tij është sulmuar nga disa qenë, ndërsa e njëjta ka marrë ndihëm mjekësore në QKUK.
Rasti ka ndodhur saktësisht në rrugën “Makiaveli”.
Pos tjerash, ky banor ka deklaruar se problemi me qentë endacakë vijon tash e sa kohë, duke bërë thirrje që të ndërmerren hapa sa më të shpejtë.
Ai thotë se shqetësim i kanë sidomos fëmijët, të cilët kalojnë nga kjo rrugë për të shkuar në kopsht e shkolla.
