Një tentativë për futjen e kontrabandës është parandaluar sot rreth orës 13:30 në Qendrën e Paraburgimit në Mitrovicë.
Sipas njoftimit të Shërbimit Korrektues të Kosovës, kontrabanda dyshohet të jetë hedhur nga jashtë perimetrit të institucionit, duke rënë në hapësirën e brendshme të qendrës.
Zyrtarët korrektues kanë reaguar menjëherë duke siguruar zonën dhe duke zhvilluar një kontroll të detajuar në hapësirën e shëtitjes. Gjatë kontrollit janë gjetur tri pako të dyshimta, brenda të cilave ndodheshin pesë telefona mobilë me kabllo.