Përgjatë ditës së martë, po mbetet mot kryesisht me vranësira dhe me reshje shiu kohëpaskohe. Më të theksuara parashihet të jenë në perëndim të vendit.
Viseve më të larta malore patjetër që reshjet do të jenë në formë dëbore. Në aspektin termik temperaturat do të jenë më të larta mbi mesataret për këtë periudhë kohore.
Minimalet zbresin në 5C e 7C, ndërsa maksimalet shkojnë deri në 10C e 12C. Frynë erë juglindore e lehtë dhe mesatare 5-10m/s, në lindje të vendit me hove deri në 15m/s.
Ditën e mërkurë, masa më të ftohta ajrore fillojnë të shtrihen gradualisht mbi vendin tonë, duke shndërruar reshjet e shiu në dëbore deri në mbrëmje. Ndërkohë në disa pjesë të vendit ekziston mundësia që të kemi shi të akullt, që mund të jetë mjaft i rrezikshëm për pjesëmarrësit në trafik, por edhe për këmbësorë.Temperaturat zbresin në 7C e 1C, deri nga mbrëmja.
Të enjten ditë e akullt, me vransira e reshje dëbore kohëpaskohe. Maksimalet zbresin në -1C. Të premten po paraqiten kushte për intervale me diell, ndërkohë që minimalja zbret në -6C.
Ditën e shtunë sërish rikthehen të reshurat. Së pari shiu, e më vonë me rënie të temperaturës shndërrohen në dëborë. Erërat frynë drejtimesh të ndryshme. Të enjten të lehta dhe mesatare 4-10m/s nga verilindja, prej ditës së premtë juglindore 4-8m/s, njofton Mendimi për Motin.
