Pas “ndarjes” me AAK-në, Nisma hyn e vetme në garën e 28 dhjetorit

Nisma Socialdemokrate ka vendosur të garojë si parti e vetme në zgjedhjet e 28 dhjetorit.

Partia e Fatmir Limajt ka dorëzuar aplikimin në Komisionin Qendror të Zgjedhjeve për t’u regjistruar si subjekt i pavarur dhe jo si pjesë e ndonjë koalicioni.

Në zgjedhjet e 9 shkurtit, Nisma garoi në koalicion me Aleancën për Ardhmërinë e Kosovës, e cila gjithashtu ka vendosur të garojë e vetme në këto zgjedhje.

Gjatë mandatit të kaluar, Nisma ka pasur tre deputetë në Kuvendin e Kosovës. Pas disa ditëve diskutimesh me Lidhjen Demokratike të Kosovës, u vendos që Nisma të mos garojë në një listë të përbashkët, duke e vazhduar rrugën e saj si një parti e pavarur.