Pasi dje Osmani i dha medalje presidenciale, Adelina Ismailin sot e priti edhe Çeku në takim

Ministri në detyrë, Hajrulla Çeku priti në takim artistën Adelina Ismaili, transmeton Demos.

“Dje, Adelina Ismaili mbajti koncertin që shënoi 40-vjetorin e karrierës së saj plot ngjyra, ndërsa sot pata nderin ta pres në zyrën time, ku e urova për punën e jashtëzakonshme që ka bërë deri më tani dhe i dëshirova vazhdimësi në krijimtari e art.

Adelina e viteve ’90 ishte krenaria jonë, zëri i guximit, i lirisë dhe i gruas shqiptare që nuk dorëzohet. Sot ajo vazhdon të mbetet diva e muzikës sonë: e fortë, e pakrahasueshme dhe po aq frymëzuese sa dikur.

Faleminderit, Adelina, për artin, kujtimet dhe energjinë që vazhdon të na dhurosh.”, shkroi Çeku.