Partia Demokratike e Kosovës e ka zyrtarizuar të mërkurën koalicionin me Eman Rrahmanin, i cili në zgjedhjet e kaluara i priu Listës për Familjen.
Në një konferencë për media, kryetari i PDK-së, Bedri Hamza, ka thënë se bëhet fjalë për një marrëveshje që ka synim “ndryshimin e gjendjes në Kosovë”.
Ai e ka cilësuar praninë e anëtarëve të Listës për Familjen në listën e PDK-së për zgjedhjet e 28 dhjetorit si “vlerë të shtuar”.
“Ju njoftoj se bashkë me Eman Rrahmanin dhe anëtarë tjerë kemi bërë marrëveshje për koalicioon për bashkëpunim para dhe pas zgjedhor. Qëllimi I këtij Koalicioni është t’;I bashkojmë forcat për progress në gjendjen në vend. Jam i bindur se është koalicion i qëndrushëm dhe bashkarisht do të kemi suksese. Koalicioni është vlerë e shtuar”, tha Hamza.
