Tri vetura dhe një pjesë e një shtëpie janë përfshirë nga zjarri në rrugën “Selman Lokaj” në Prishtinë.
Sipas raportit të Policisë së Kosovës, zjarri ka shpërthyer më 25 gusht, rreth orës 01:10, ndërsa rrethanat e rastit mbeten të panjohura.
Njësitë relevante kanë dalë në vendin e ngjarjes, ndërsa zjarrfikësit kanë arritur ta lokalizojnë zjarrin.
Nga incidenti janë shkaktuar dëme materiale, por nuk raportohet për persona të lënduar.
"Rr. Selman Lokaj, Prishtinë / 25.08.2026 – 01:10. Është raportuar se në rrethana të panjohura janë përfshirë nga zjarri tri vetura dhe një pjesë e shtëpisë së viktimës m/k. Njësitë relevante kanë dalë në vendin e ngjarjes ku zjarrfikësit kanë arritur ta lokalizojnë zjarrin. Përveç dëmeve materiale nuk raportohet për të lënduar. Rasti nën hetime"
