Një përleshje fizike ka ndodhur sot rreth orës 17:40 në sheshin “Adem Jashari” në Lipjan, ku janë përfshirë disa persona.
Sipas të dhënave fillestare, dy persona kanë mbetur të lënduar, ku njëri dyshohet se është lënduar me mjet të fortë, ndërsa tjetri me mjet të mprehtë.
Të lënduarit janë dërguar për trajtim mjekësor.
Rastin e ka konfirmuar zëdhënësja e Policisë për rajonin e Prishtinës, Flora Ahmeti, duke bërë të ditur se hetuesit policorë, në koordinim me prokurorinë, janë duke punuar për sqarimin e plotë të rrethanave të rastit.
“Sot rreth orës 17 :40, kemi marrë informatën për një përleshje fizike në sheshin Adem Jashari në Lipjan. Bazuar në të dhënat fillestare, në këtë rast kanë qenë të përfshirë disa persona, dy prej të cilëve janë lënduar (njëri nga ta dyshohet se është lënduar me mjet të fortë tjetri me mjet të mprehtë). Personat e lënduar janë dërguar për trajtim mjekësor, ndërkohë që policia ka shoqëruar në stacion gjashtë persona prej tyre tre të dyshuar lidhur me këtë rast. Hetuesit policor në koordinim me prokurorinë janë duke punuar për sqarimin e rrethanave të këtij rasti”, tha Ahmeti
