Përparim Rama: Albin Kurti nuk ka asnjë kontribut në luftën çlirimtare dhe as në ndërtimin e institucioneve të Republikës së Kosovës

Kryetari i Prishtinës, Përparim Rama, ka reaguar ashpër ndaj kryeministrit Albin Kurti, duke e akuzuar për mungesë të rezultateve konkrete gjatë gjashtë viteve në pushtet.

Sipas Ramës, Kurti “në vazhdimësi përpiqet ta mbulojë këtë mungesë me propagandë”, ndërsa shtoi se ai sulmon figurat e Ushtrisë Çlirimtare të Kosovës dhe familjet atdhetare për interesa politike.

“Për gjashtë vjet në pushtet, e ka zhytur vendin në varfëri dhe stagnim. Pa ASNJË projekt madhor, pa zhvillim kapital dhe pa ASNJË rezultat konkret. ASNJË. ZERO”, ka shkruar Rama.

Ai tutje deklaroi se qytetarët nuk kanë nevojë për “filma propagandistikë të kohës së komunizmit”, por për program, zhvillim dhe mirëqenie.

Shkrimi i itj:

Albin Kurti ka deficit të madh politik dhe personal, sepse nuk ka asnjë kontribut as në luftën çlirimtare dhe as në ndërtimin e institucioneve të Republikës së Kosovës.

Prandaj, në vazhdimësi përpiqet ta mbulojë këtë mungesë me propagandë, duke sulmuar figurat e Ushtrisë Çlirimtare të Kosovës, si “hajna” e “kriminelë” dhe, me ligësinë më të madhe, duke tentuar që familjet më të mëdha atdhetare t’i bëjë pjesë të diskursit të fushatës.

Për gjashtë vjet në pushtet, e ka zhytur vendin në varfëri dhe stagnim. Pa ASNJË projekt madhor, pa zhvillim kapital dhe pa ASNJË rezultat konkret. ASNJË. ZERO.

Në mungesë të rezultateve, ai vazhdon të mbështetet në propagandë.

Të shohim me çfarë do të vendosë ta vazhdojë fushatën: me ndonjë kërcënime për jetë! Me ndonjë premtim për mërgatën! Apo me një tjetër episod patriotik propagandues me Serbinë!

Kryeministër, qytetarët nuk kanë nevojë për filma propagandistikë të kohës së komunizmit. U ke borxh program, zhvillim dhe mirëqenie!

Sa i ke varfëru na tregun raportet!