Përplasja me BE-në për gjyqtarët serbë, ministrja Gërvalla: Në Kosovë askush nuk është mbi ligjin

Ministrja e Drejtësisë, Donika Gërvalla ka reaguar ndaj deklaratave të zyrtarëve të Bashkimit Evropian lidhur me vendimin e Këshillit Gjyqësor të Kosovës për dorëheqjet e gjyqtarëve serbë dhe zyrtarëve të administratës gjyqësore.

Ajo ka thënë se vendimi i KGJK-së për të refuzuar tërheqjen e dorëheqjeve të paraqitura në vitin 2022 dhe për të propozuar lirimin e tyre nga detyra është marrë në përputhje me Kushtetutën dhe ligjet e Kosovës.

Sipas saj, gjyqtarët në fjalë nuk kanë ushtruar detyrat e tyre për rreth katër vjet, ndërsa dorëheqjet ishin paraqitur në vitin 2022.

Ministrja ka kritikuar presionin politik ndaj institucioneve të pavarura të drejtësisë, duke kërkuar që kushdo që pretendon se vendimi i KGJK-së është në kundërshtim me ligjin, të tregojë konkretisht se cili ligj apo nen është shkelur.