Përplasja VV-PDK në Skenderaj, Abdixhiku: Ata le të rrahen mes vete, ne kemi punë tjetër

I pari i LDK-së, Lumir Abdixhiku së bashku me kandidatën e tyre për president, Vjosa Osmani, dje ka zhvilluar takim me votuesit e Lipjanit, me çrast zhvilluan bashkëbisedim lidhur me çështjet thelbësore që e prekin përditshmërinë e qytetarëve, dhe jo vetëm, raporton GazetaDemos.

Në mesin e pyetjeve të parashtruara, një qytetare u interesua për qëndrimet e përfaqeësuesve të LDK-së në raport me zhvillimet e fundit në Skenderajt, atje ku kryetari i degës së VV-së e akuzoi kryetarin e Skenderajt nga PDK për ushtrim dhune fizike.

Abdixhiku gjeti rastin të distanciohet nga këto zhvillime, duke thënë se Lidhja Demokratike e Kosovës ka tjra vizione, teksa shtoi se beson që edhe populli i Kosovës vazhdon përpara me punë drejt së ardhmes, e larg dhunës.

“Për besë s’i komentojmë hiç. LDK dhunë as nuk mbështet, dhunë nuk ofron, dhunën nuk e don. LDK është e interesuar të flas me qytetarët tanë, të ofrojë vision në rrugëtim të ardhshëm dhe një ide rreth së cilës populli i Kosovës ndjehet i përfaqësuar.

Populli i Kosovës nuk është popull i dhunës, familjet e Kosovës nuk janë familje të dhunës, familjet e Kosovës janë punëtore, të ndershme dhe populli i Kosovës është i tillë dhe LDK-ja e përfaqëson këtë më së miri. Kështu që, të tjerët le të rrahen mes vete, ne kemi punë tjetër”, u përgjigj Abdixhiku.