Situata në protestën e opozitës në Tiranë është përshkallëzuar pasditen e kësaj të mërkure, ku përplasjet mes protestuesve dhe forcave të rendit vijojnë me intensitet të lartë pranë godinës së Kryeministrisë.
Së fundmi, kanë marrë flakë pemët brenda perimetrit të gardhit mbrojtës të Kryeministrisë, ndërsa në zonë janë përhapur tymi dhe flakët.
Protestuesit kanë hedhur gurë dhe bomba molotov në drejtim të godinës, ndërsa policia dhe efektivë të Gardës së Republikës kanë përdorur gaz lotsjellës për të zmbrapsur turmën.
Përplasjet janë shtrirë edhe në zona të tjera të kryeqytetit. Raportohet se protestuesit kanë dëmtuar godinën e Kryesisë së Kuvendit, ndërsa më herët janë raportuar dëmtime edhe në ambientet e Ministrisë së Financave dhe Ministrisë së Brendshme.
