Plagosja e 22 dhjetorit në Pejë, vetëdorëzohet i dyshuari

I dyshuari për plagosjen me armë zjarri, e cila kishte ndodhur më 22 dhjetor 2025 në rrugën “Ahmet Gjikolli” në Pejë, është vetëdorëzuar sot në Polici.

Drejtoria Rajonale e Policisë në Pejë bën të ditur se i dyshuari është vetëdorëzuar më 02 janar 2026, rreth orës 12:00, duke dorëzuar edhe armën e zjarrit dhe tre fishekë, me të cilët dyshohet se ishte kryer vepra penale.

Sipas Policisë, rasti kishte ndodhur rreth orës 13:50, ku një person ishte plagosur nga arma e zjarrit dhe ishte dërguar për trajtim mjekësor fillimisht në Spitalin Rajonal në Pejë, e më pas në QKUK në Prishtinë.

I dyshuari, në prani të avokatit mbrojtës, është intervistuar nga hetuesit dhe me aktvendim të prokurorit të shtetit është dërguar në mbajtje për 48 orë.

Hetimet për rastin po vazhdojnë.